Ba al dakizue zertan datzaten honako hitz hauek? Grooming-a, sexting-a, stalking-a, sextorsion-a,… Zatoz otsailaren 19rako antolatuta dagoen hitzaldira eta kontzeptu hauek ezagutzeaz ez ezik, zuen seme-alabak mundu digitalean nola babes zenitzakete ikasiko duzue. Hitzaldira etortzeko, honako formularioa bete beharko duzue. Eskerrik asko eta anima zaitezte!
Otsailaren 6an, FVEM-k (Metal Enpresen Bizkaiko Federazioak) antolatzen duen Industria Erronkaren barne, GE Vernoba (General Electric) enpresa Ikastolan egon zen DBH 4. mailako ikasleei hitzaldi bat ematen. Bisita hauen helburua ikasleengan sektore industrialaren inguruan interesa sortzea, etorkizuneko aukerak erakustea eta STEM bokazioak bultzatzea da.
Santa Ageda bezpera ospatu dugu Ikastolan. Lehen Hezkuntzako ikasleek abestiak kantatu dituzte Santurtzik zehar. Ikastolako txikienek Mirabueno parkean abestu dute, Lehen Hezkuntzakoekin batera. Mila esker parte hartu duzuen guztiei!
Otsaila heldu da. Horrekin inauteriak datoz, baina inauteriez gain horra hor bestelako jarduera batzuk euskara eta euskararekin disfrutatzeko.
Heldu da beraz mozorrotzeko eta dantza zein algararako garaia! Hori dela eta, hurrengo otsailaren 9an, ostirala, ikastola guztia urtaroz jantziko da eta 0-3 urte bitarteko ikasleek jaia ikastolan bertan ospatuko duten arren, HH 4tik DBH 4ra bitarteko ikasleek, ohiko kalejirari ekingo diote herrian zehar irakasleekin eta gurekin parte hartzera animatzen diren gurasoekin batera. Jaiari Mirabueno…
Gosaria eta hamaiketakoa eguneko jatordu garrantzitsuenetakoak dira. Ikastolan goizetan jarduera handia burutzen dugu eta energia-ekarpen nahikoa behar dugu horri aurre egiteko. Energia hori gosariak eta hamaiketakoak ematen digute. Ingurumen Batzordetik hamaiketakoaren inguruko hausnarketa jarri dugu martxan. Hiru dira ditugun helburuak: Janari osasungarriak ekartzea, behar dugun energia eta oinarrizko mantenugaiak ematen dizkigutenak. Hondakinak murriztea. Hamaiketakoa jan…
Urtarrilaren 11an, ostegunean, DBH 1. mailako ikasleek irteera egin dute Peñas Negrasera (La Arboleda). Bertako monitoreekin meatzari-jarduerak paisaian utzitako aztarnak ikusi ahal izan dituzte. Eguraldiak ez zuen gehiegi lagundu baina hala ere helburuak bete ahal izan genituen.
Eskerrik asko gure Ikastolako Lehen Hezkuntzako 4. mailako ikasleek antolatu dituzten liburu eta jostailuen bilketan parte hartu duzuen guztioi! Bildutako guztia GKEari eman zaio, Santurtziko “Manos Solidarias” elkarteari. Zorionak Lehen Hezkuntzako 4. mailako ikasleei eta eskerrik asko!
Mendira igotzea, urteari agur esateko. DBHko 4. mailako ikasleek ibilaldi bat egin zuten Peñas Negrasetik, Alta Galdames, Pico menor, Pico Mayor eta Ganeran gailurretik igarota. Mendikate txikia, alde batetik ezkerreko ertz osoa ikusten da eta bestetik meatzalde osoa. Aupa mendizaleak!
💚💙Urtea amaitzeko, 🎄Ikastolan egiten den ohiko lunch-ean diplomak banatu ziren Ikastolan 25 urte daramatzaten langileei.🍾💪🏼 Zorionak! 25 urteko lana, ahalegina, lanarekiko maitasuna eta gozamena. Eskerrik asko Elena, Ainhoa, Mamen, Delbiñe, Asier eta Andoni🤗🤗🤗 denbora guzti honengatik.🎊🎉
