EUSKARAZ BIZI

Ikastolen Elkartearen gidaritzapean, ikastola bakoitzaren ingurune soziolinguistikoa kontuan izanda (gurasoen hizkuntza-profila, auzoa, komunikabideak, haurren hizkuntza-joerak…), guraso, irakasle, ikasle eta erakundeak inplikatzen dituzten ekintzak antolatzen ditugu.

Helburu nagusia bizitzako esparru guztietan euskararen erabilpena bultzatzea da.

Proiektu hori aurrera eramateko, Euskaraz Bizi Batzordea daukagu, etapa ezberdinetako 4 irakaslez (HHko 1, LH 2. zikloko 2 eta DBHko 1) osatua. Horretaz gain, Euskaraz Bizi Guraso Batzordea ere badugu.

OLENTZERO EGUNA

Urteroko ohiturari jarraituz, Olentzerori dedikatzen diogu abenduko azken eskola-eguna. Arrantzalez jantzita, Olentzero Santurtzitik ateratzen dugu, bere abestiak herriari eskainiz.

AGATE DEUNA

Tradizioz beteriko abestiak ere prestatzen ditugu, eguraldi ona eginez gero, kalean abesteko.

INAUTERIAK

Ikastolak eskaintzen duen ikuskizun paregabea da. Ikastola osatzen dugun guztiok inplikatzen gara. Mozorro dibertigarriak janzteaz gain, tradiziozko dantza bat prestatu eta Santurtzi osoari aurkezten diogu. Jai giro aparta egoten da.

KANPAINAK

Etapa ezberdinetako zikloetan zenbait kanpaina antolatzen ditugu, gure ikasleek euskaraz hitz egin dezaten animatuz: Euskal Astea, Ikastolako jaia, filmak ikusteko Tinko programa…

IDAZLEAK IKASTOLAN

LH 4. eta 6. zein DBH mailakoek euskal idazle famatu baten bisita jasotzen dute. Horretarako, idazlearen liburu bat irakurtzen dute eta berarekin partekatu nahi dituzten iritziak eta galderak prestatzen dituzte.

BERTSOLARITZA

LH 5. eta 6. mailako ikasleek, bertsolaritza tailerra dute urritik maiatzera arte.

EUSKARAREN EGUNA ETA SANTURTZIKO EUSKARA ASTEA

Euskararen Nazioarteko eguna ospatzea ezinbestekoa dugu, gure hizkuntzak duen garrantziaz jabetzeko. Euskal Herrian ez ezik, mundu mailan ere. Hainbat jardueraren artean, Euskal diaspora aztertu dugu. Txikitxoek “Irrien Lagunak” taldearen bisita jaso dute.

ARGITXOREKIKO IDENTIFIKAZIOA

Gure euskal Iratxoa lagun berezia da guztiontzat. Bera baita, txikiak garenetik, euskaraz hitz egitearen garrantziaz kontziente izan gaitezen azaltzen diguna.

Euskaraz Bizi proiektuarekin erlazionatutako berriak

Webgune honek bere cookiak eta bitartekoenak erabiltzen ditu zure nabigazioa optimizatzeko, zure lehentasunetara egokitzeko eta jarduera analitikoak egiteko. Nabigatzen jarraituz gero, webguneko Erabileraren Baldintza Orokorrak eta Datu Pertsonalak Babesteko Politika onartzen dituzu. Informazio gehiago

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close