“Hiltzen dituzten horiek, gure haurrak ere badira.”
Datorren urriaren 25ean Bilbon Palestinako haurrekin elkartasun ekimena eta manifestazio nazionala egingo da. Guztion parte-hartzeak garrantzi handia du, eta gure komunitatearen elkartasuna modu ikusgarrian adierazteko aukera izango dugu.
Egun osoko egitaraua: urriak 25ean, BIlbon
Gune desberdinetan hainbat ekintza antolatu dira, haurrek zein helduek parte har dezaten:
- 12:00etan: Palestinaren historiari buruzko hitzaldia: Zirika gunea (Erronda kalea, 12). Hitzaldi honetan Palestinaren egoera historikoa ulertzeko aukera izango dugu.
- 12:30ean: Askatasun doinua ipuin-kontaketa – Ekoetxea (Pilota kalea, 5). Ipuin bidez, gure umeek elkartasunaren eta bakearen balioak ikasiko dituzte.
- 13:15ean: Pailazoekin kalejira – Ekoetxetik abiatuta (Pilota kalea, 5). Jarduera atsegin eta musikaz beteriko hau haurrek zuzenean parte har dezaketen une dibertigarria izango da.
- 17:30ean: MANIFESTAZIO NAZIONALA – Jesusen Bihotzetik abiatuta. Manifestazioaren buruan Porrotxek gidatutako ume talde bat joango da (ikurriña eta palestinar banderak eramanez). Ondoren, gainerako parte-hartzaileak pankartaren atzean batuko dira.
BOLUNTARIOAK BEHAR DIRA
Manifestazioa eta eguneko ekitaldiak behar bezala antolatzeko hamarnaka boluntario behar dira.
🕓 Noiz: 16:00etatik aurrera
📋 Zertan: Ekitaldien laguntza, parte-hartzaileen orientazioa eta antolaketa
🔗 Laguntzeko prest bazaude, bete mesedez inprimaki hau: inprimakia
Mesedez, benetan laguntzeko konpromisoa hartu dezakezuenok soilik bete inprimakia.
KAMISETA SOLIDARIOA – ELKARTASUN KEINU GISA
Ekimenaren baitan, “Gure Haurrak ere Badira” kamiseta solidarioa jarri da salgai. Kamiseta hau Palestinako haurrekiko elkartasun sinbolo bihurtu nahi da, bereziki hezkuntza komunitatean.
- Helduentzako prezioa: 15 €
Haurrentzako prezioa: 10 €
Erosketa esteka: 🔗 Denda on line
Salmentatik ateratako diru guztia Palestinara bideratuko da, gure haurren etorkizunean eragina izango duten proiektuetarako. Urriaren 25eko Ekimen Nazionalean Bilbon ere salgai egongo dira.
Elkartasuna gure indarra da. Urriaren 25ean Bilbon ikusiko dugu elkar! Gure Haurrak ere Badira ekimenaren izenean, besarkada handi bat!
