Gure ikastolan, sakon sinesten dugu jolasaren eta irakurketaren boterean, haurren garapenaren funtsezko eragile gisa. Jolasaren bidez, haurrek irudikatzen, partekatzen, sortzen, gatazkak konpontzen eta mundua deskubritzen ikasten dute. Eta guk, heldu gisa, eskuzabaltasunez jokatzen dugunean, bizitza osoan lagun izango dituzten balioak ere irakasten dizkiegu gure seme-alabei.
Aurten, oso egoera onean dauden jostailuak eta umeentzako liburuak biltzeko kanpaina solidarioan parte hartzera gonbidatzen zaituztegu.
Oso garrantzitsua da ematen dugun guztia osorik, garbi eta behar bezala funtzionatzea, beste haur batzuei alaitasun, ikaskuntza eta irudimena garapena eskaintzen jarraitu ahal izateko.
Bildutako materiala Baobat elkarteari emango zaio, eurek behar duten familiei helaraziko dietelarik. Horrela, gure etxean bere garaia bete zuen jostailu batek edo zuen seme-alabek buruz ezagutzen duten ipuin bat istorio berri bat, aurkikuntza berri bat edo irribarre berri bat bihurtu ahal izango da beste ume batentzat.
Partekatzen dugunean, zaintzen dugunean eta besteengan pentsatzen dugunean, elkartasunaren, enpatiaren eta gizarte-erantzukizunaren funtsezko balioak transmititzen dizkiegu seme-alabei.
Bilketa data: Abenduak 12, 16:15-17:30
Bilketa lekua: Ikastolako beheko patioa
Eskerrik asko erakusteagatik, beste behin ere, elkarrekin hezkuntza-komunitate bat eraikitzeaz gain, gure haurren oraina eta etorkizuna elikatzen dituen balio-ingurune bat ere eraikitzen dugula.
