Datorren Ibilaldiaren lekukoa San Nikolas Ikastolari dagokio, beraz maiatzaren 26an Getxora hurbilduko gara denak.
Dakizuenez, gertaera hau ikastola guztiei dagokie. Gure nortasun-ikurraren eta filosofiaren parte delakoan, ikastola guztien ardura eta harrotasuna da Ibilaldi bakoitzean parte hartzea eta laguntzea.
Hori dela eta, Bihotz Gaztea Ikastolatik ere lagundu nahi dugu, beraz jakinarazi nahi dizuegu bihar, abenduak 19, 16:30ean, San Nikolas Ikastolako boluntarioak gure instalazioetara hurbilduko direla 2024ko Ibilaldiko arropa eta materiala gure patioan saltzera.
Materialaren salmenta bezalako ekitaldiak oso lagungarriak dira Ibilaldiaren antolakuntzan eta kudeaketan. Ondorioz, gonbidatzen zaituztegu gertura zaitezten. Laguntza oro oso ongi hartuko da.
Ondo izan,
Bihotz Gaztea Ikastola.
