Mezu honen bidez, aurten ere TANTA ekimena martxan dagoela gogorarazi nahi dizuegu. Baina aurten, inoiz baino garrantzi handiagoa du guretzat.
Zer da TANTA? TANTA ez da txartel bat bakarrik; Euskal Herriko Ikastolen proiektua bultzatzeko lankidetza-tresna nagusia da. Lehen jai bakoitzak egiten zituen zozketak ordezkatu ditu, indarrak batzeko eta proiektu komunari bultzada bateratu bat emateko.
Zergatik da hain garrantzitsua guretzat?
Datorren urtean, 2027an, gure txanda da: BIHOTZ GAZTEA ikastolak antolatuko du Ibilaldia Santurtzin. TANTAren bidez jasotzen den laguntzak zuzen-zuzenean laguntzen dio ikastolari antolaketa lanetan eta gure hezkuntza-proiektua indartzen. Tanta bakoitza gure ametsetako ikastola eraikitzeko ezinbesteko hazia da.
Xehetasunak:
- Ekarpena: 5€ txartel bakoitzeko.
- Saria: 60.000€-ko sari bakarraren zozketan parte hartuko duzue.
- Prozedura: Txartela zuen seme-alabaren bidez jasoko duzue eta kobrantza ekaineko erreziboan egingo da.
TANTA ez da txartel bat bakarrik: Euskal Herri osoko ikastolak josten dituen elkartasun sarea da, eta aurten, gure Ibilaldirako bidea argitzen duen zuzia.
Eskerrik asko proiektu hau bultzatzeagatik eta gure komunitatearen parte izateagatik!
Bihotz Gaztea Ikastola
